Samsung Galaxy смартфонына арналған бағдарламалық жасақтама жаңартуы шықты ма, оны қалай тексеруге болады?
Бағдарламалық жасақтама жаңартуы мүмкін болатын қауіпсіздік әлсіздіктерін жоюға және смартфонға жаңа функциялар мен мүмкіндіктер қосуға мүмкіндік береді. Егер сіздің Samsung Galaxy смартфоныңызға арналған бағдарламалық жасақтама жаңартуы қолжетімді болса, құрылғының жұмысын жақсарту үшін оны орнатуды ұсынамыз.
Ескерту:
Жаңартудан кейін бағдарламалық жасақтаманың алдыңғы нұсқасына оралу мүмкін емес.
Телефоныңызда жаңартуды жүктеп алу қолжетімді екенін тексеру үшін осы мақаладағы нұсқауларды пайдаланыңыз.
Бағдарламалық жасақтама жаңартуының қолжетімділігін қалай тексеруге болады
Бұл үшін келесі қадамдарды орындаңыз:
1. Параметрлар бөлімін ашып, Бағдарламалық жасақтама жаңартуы қойындысына өтіңіз.
2. Жаңартуларды тексеру немесе Жүктеп алу және орнату түймесін басыңыз.
3. Экранда жаңарту туралы ақпарат пайда болады:
Бағдарламалық жасақтаманың соңғы нұсқасы қолданылуда – қолжетімді жаңартулар жоқ,
Орнатуға жаңарту қолжетімді – құрылғыға жаңа бағдарламалық жасақтама нұсқасын жүктеп алып, орнатуға болады.
Егер смартфон жаңартуды орнатуды ұсынбаса, не істеу керек
Егер сіздің Samsung Galaxy моделіңізге Android-тың жаңа нұсқасы қолжетімді екеніне сенімді болсаңыз, бірақ құрылғы оны жүктеп алып, орнатуды ұсынбаса, келесі ұсыныстарды орындаңыз:
Егер бағдарламалық жасақтаманың жаңа нұсқасы жақында шыққан болса, бірақ әлі құрылғыңызда пайда болмаса – бұл қалыпты жағдай.
Жаңарту құрылғыларға біртіндеп таратылады және бірнеше апта уақытты алуы мүмкін. Жаңарту кестесі мен жаңа бағдарламалық жасақтама қолжетімді болатын модельдер тізімі өзгеруі мүмкін.
Сонымен қатар, бағдарламалық жасақтама нұсқалары мен олардың шығу мерзімдері әртүрлі аймақтарда әртүрлі болады. Сондықтан басқа елдердегі модельдер жаңартуды ерте немесе кеш алуы мүмкін.
Samsung Galaxy смартфонына арналған бағдарламалық жасақтама жаңартуының қолжетімділігін Smart Switch арқылы да тексеруге болады.
Ескерту:
Smart Switch арқылы бағдарламалық жасақтаманы жаңарту үшін компьютер интернет желісіне қосылған болуы керек.
Егер құрылғыда бағдарламалық ақау орын алса, бұл деректерді жаңартуға кедергі келтіруі мүмкін. Бағдарламалық қателерді жою үшін деректерді қалпына келтіруге жүгінуге болады.
Маңызды ақпаратты міндетті түрде сақтап қойыңыз, себебі деректерді қалпына келтіру кезінде барлық ақпарат жойылады!
Жоғарыдағы ұсыныстар бағдарламалық жасақтама жаңарту мәселесін шеше алмаса, құрылғыңызды тексерту үшін ең жақын сервис орталығына жүгінуіңізді ұсынамыз.
Samsung Galaxy смартфонында бағдарламалық жасақтама жаңартуының қолжетімділігін тексеру үшін «Баптаулар» бөліміне өтіп, «Бағдарламалық жасақтама жаңартуы» бөліміне кіріп, «Жүктеу және орнату» түймесін басу қажет. Осыдан кейін жүйе жаңа нұсқаның бар екенін хабарлайды немесе қолданыстағы нұсқаның өзекті екенін растайды. Егер жаңарту пайда болмаса, біртіндеп таратылатындықтан бірнеше апта күтуді, Smart Switch арқылы жаңартуды тексеруді немесе бағдарламалық ақаулар кезінде деректерді қалпына келтіруді ұсынамыз.
Ұсыныстар Samsung компаниясымен берілген және тексерілген..
Пікіріңіз үшін алғыс білдіреміз!
Барлық сұрақтарға жауаптар